俾捷克大學錄取既小tips

捷克大學錄取申請既評估形式

大家係申請大學個時一定會諗究竟係點樣先可以俾大學錄取到同埋係要過啲咩關卡呢依家就講下tips啦！

面試測試:

第一，筆試考試(有d唔洗)，佢係根據唔同科目而設有唔同類型既考試題目，關於學士學位既入學考試問題通常係設定為中四至中六既難度，而碩士既入學考試通常係學士既難度。有啲科目會更加會係考前提供閱讀材料俾你去讀

第二，面試考試，通常係包括口試問相關知識(大部分科目都會設有，難度範圍同筆試一樣) ,通常都係要你做自我介紹，同問點解申請呢個學校科目既講述，同如果要你寫essay的話更加會問你essay入面你寫過既野再出問題同考官去進行對答。Interview個時記得要著smart casual,唔洗著得太過formal.

材料:

各種錄取要求既語言證書，例如托福同埋雅思等成績，捷克語成績等等仲有同申請科目相關既學術短篇論文，通常係俾幾個題目，然後再自己揀一個去寫(大概1500字)

之前學業成績記錄，推薦信，動機信，個人CV等等。

*如果係讀預科既係唔需要做呢d 面試測試*

*有部份科目只需要寫論文無需要面試*

個人經歷:

之前讀完預科之後就直接係布拉格經濟大學(VSE)到申請國際商務(international business)呢一科。當時呢個科目需要我俾一份動機信(motivation letter), 論文（7個題目揀一個寫）同要面試 (可揀網上或前往學校面試).

以我經驗嚟講好多人份motivation letter同essay都差唔多分數 ，所以要係interview做多啲準備，因為好多冇俾人錄取既都係因為面試既時候到失分而冇俾大學錄取到，我當時都係因為interview到拎到比較高既分數而被錄取，因此最重要係面試前做足準備！(e.g., 自我介紹，點解揀呢間學校，讀完會做啲咩，會唔會選擇留係當地發展)